Ngun takin hringnun hi chhûtin han ngaihtuah ila, Nu tel lo Khawvel chu tu hringnun pawh hian a hrin pui thei lova, an hmangaihna chu kan lo pianni a\anga vaivuta kan let leh thleng pawh hian kawi khat tê mah hnung tawlh lovin an luan chhuah tir reng a, he fapa/fanu mihring hian chu Nu hmangaihna zâr chu zo vin ‘kei ka ni’ kan lo inti ve thei \hin a lo ni. Khawvel General ropui berte zing ami Napolean-a thusawi, “Khawvela nu zawng zawng hi ka nu ang chu ni sela chuan Tan-In hi a awm a ngai lo vang,” tih thu hian he khawvela mihring pangngai niha ‘Ka Nu’ tih tur neih hlutzia hi min hrilh nawn fo rawh se.
Mizo nunah chuan kan theihnghilh ngai loh nun chu kan naupan lai nun, eng dang vak ngai lo leh ngaihtuah lova kan pawnto hun lai te, zan tlai thimhlim a kan ‘in pang aw zial’ lai te, naktuk ngaihtuah hauh lova ‘tira mei kaiah..chhim tira meikaiah’ kan tih lai hun leh nunte kha an ni fo va. Idol kan hre lo va, Icon hi a awm thei tih pawh kan ngaihtuah ngai lohna thingtlang nun kha nun ropui tak leh nun hlimawm tak, thianghlim leh ropui em em a lo ni. Khing zawng zawngte pawh khian in lama nu pawimawhna chu fiah takin a lantir \hin. ‘|in dialah \in dialah naktuk khua var sela kan inkawm leh dial dial dawn u nia..Mahni in lam hawi \heuhah,’ kan tih zawh chiaha kan thinlunga lo lang chu ‘a nu ala meng ang em le?’ tih hi a ni. A tawiin a ho viauin lang mah se he thu tawitê hian a tawi vang ringawt hian a hlutna a hloh lo va, kawmkâr thim zing a\anga ‘a nu’ tih tur neih hlutzia min by-heart tir \hin a lo ni. He hmanlai nun hian vawiin changkang tawh takah pawh hian Nu ropuina zirtirna ropui tak chu a la paipawn a, a hrethiam leh zir peihte tan chu Nu ropuina, fate thlabâr taka thim zing a\anga mahni in lam lo pante lo thlamuantu leh nghâkhlel taka tapchhak zawla mei lo tuaha lo meng ve hram hramtu hmangaihna chu hmuh hmaih rual lohvin min hmuhtir a ni. December thla a lo hnai a, Mizoram chu a vawh hun lai tak leh khawvâwt vin em em hun lai a ni, pawnto leh inchhaih nun erawhin khawvâwt hnuaiah pawh chu mizo naupang thinlung chu a vau bet zo si lo, chuti ang khawvâwt tak hnuaiah pawh hlim hmêl pu taka mahni fate lo haw hun nghaka tapchhaka lo \hu \hin nu tana fate hmangaihna thûk dan tur hi he \awngthei mihring \awngkam ringawt hi chuan a sawifiah zo dawn em ni le.
Kaphleia hi a vannei ka ti \hin, chu nu hmangaihna ropui tak chu hla in mawi takin a lo puang chhuak thiam a, chu ngawt chu ka sawi tum a la ni lo, chu a nu hmangaihna hrethiam a, hla hiala a lo chawi hi a ropui ka ti a ni. Phung hlau êm êm naupang tana mahni in lum pana nu-te mei eng hmuh nawm turzia chu he hla chang hian a tarlang chiang awm e.
“Ka nu mei eng thlir zelin ka haw \hin,
A lovin sum hmun thim ka ngam lo,
Ka kohna chu nemtein a chhang fo,
Muang takin kan run mi hruai lut \hin.”
Min hruai lut a ni satliah lova, thlamuanna min pe a lo ni!
Nu hmangaihna hi ropui deuh asin
ReplyDeleteNu hmangaihna tluk zet hian pa hmangaihna pawh hi a ropui. Nu te min hmangaihna hi engtin tak chhang let ve ang i maw?
ReplyDelete...khrum
Nu hmangaihna hi zawng a lo ropui a ni. A rila rah, hah taka a pai, a laihrui kaltlanga a chawm len, thihna ruam zawh chunga a hrin, a hnute tuia a cham len naute hi, a lo thanlen hnuah pawh "a tuaiduh lawmlai hrai chawi" a ni reng tho thin. A taksa leh a thisen nena inzawm tlat a fa chu, eng anga hmun hlauhawm leh ralti ah pawh a phatsan ve ngai lo. Nu in a fa a chan anih chuan, a dam chhungin a tuar a, thlan a thlen thlengin lu a sun thin. Zanlaia naute thangharh pawh hi, an han let tap a, nu pangti lum an deh ringawt hian thlamuang takin an mu siai siai thin.
ReplyDeleteMi tam takin nu an neih tawh loh laia tun thlena hringtu nu ka la nei hi ka a han lawm tak em.
Hmun hrana ka awm avang hian ka ngai thin khawp mai. He article hi thui taka ziah tura ka tih a nia, mahse ka heti ta rih a nih hi!
ReplyDeleteNu te hmangaihna hi ni e, eng tin nge maw kan chhan let ve theih dawn ni?
Ka ziak thiam lo tih hre chunga in comment han chhiar hi muttui ngawih ngawih na tham a tling e.
Nu hmangaihnaah hian ka luangliam ngawih ngawih. Ka nuin min la dampui a, a hrisel loh avangin thi tur anga ka ngaihtuah ringawt pawhin ka mittui a tla thin. Tunah pawh hian ka nu ka ngai ngawih ngawih.
ReplyDeleteI post tha lutuk. Nu hmangaihna leh hlutzia min hriat thartir leh e.
He i thuziah hi tha ka ti hle mai. Kan upa tial tial a,nu hmangaihna lo hlut zia leh ril zia kan hre tam tial tial a nih ber hi maw, eng tikah tak hre zo tak ang imaw. Nupui fanau neia awm tawh hnuah pawh nute ngaih hi a la bang tak tak thei lo a nih hi. An mi hmangaihna te hi a phu tawkin rul thei lo mah ila, kan nute hi kan theih tawpa kan duat hi a va pawimawh em. Ka nu in tar tawh takin min la dampui a Pathian hnenah lawmthu ka sawi e.
ReplyDelete#TS : I nu chu nu fel tak a nih ngei ka ring. Kan hlim ber laiin kan ngai a, kan lungngaih ber lai pawhin kan kianga awm atan chuan kan nu te hi an lo tha ber a ni e tiraw..
ReplyDelete#triplestar: I va tilawmawm ve, rawn leng ziah rawh. Nupui ka la nei ve lo naa i thusawi hi a dik ka ring khawp mai. Ni e tiraw, an mitin thil mawi a la hmuh ve theih lai te, an ka-in thil tui a la hriat ve lai te hian eng emaw chu kan tih a ngai a ni.
ReplyDeleteKan zir lai khan khawpuiah ka awm a, ka dam loh hian ka nu bul panin thingtlangah ka haw ziah a. Miten mak min ti a, mahse nu kut lum hi damdawi tha tak ni hian ka hre thin. Damdawiin changkang zawk ai pawhin.
ReplyDeleteNu tha hian pastor 5 a hen an tih kha.
Hei vang reng hi a lawm "Ka pa, ka pa min hrilh rawh, kawng dik krista chanchin chu" kan tih loh zawk ni.
ReplyDeleteZiak tha hle mai. han ti zel teh le.
...khrum
mmm... tlangval laia nu hmangaihna hrethiam thei i ni hi i fakawm hle mai. Fa han neih chiah hian nu leh paten min lo hmangaih dan tur hi hriatthiam tak tak theih niin ka hria
ReplyDeleteNapoleon-a thusawi anga i rawn tarlan 'khawvela nu zawng zawng hi ka nu ang......tan in hi a awm a ngai lo vang" tih thu hi Pathian Thuhriltu ropui DL Moody-a sawi zawk a ni e.
ReplyDelete“Khawvela nu zawng zawng hi ka nu ang chu ni sela chuan Tan-In hi a awm a ngai lo vang,” = DL Moody
Delete