Sunday, July 10, 2011

Di Ngaih!

Ka blog hi update ve ngei ka duh tawh si a, a chhiat atang khan thianpa hmelthatea zârah a changtlung ta phian leh nghal reuh a. Ka rilruah thu ziah tur ka neihsa te an bo rih tlat mai si, blog update nan he hla, nalh vak pawh ni lo hi ka han thehchhuak ta a ni e!




Chutah ka chawl ang

Ram thingtin vulna ramah
Ka ngai lovang ka lenna ram
Aw a vul dawn asin ka lei lawmna par

Chungturni leh van râng chhumte’n
An lawm ang a riang rairah,
Aw lawhlei par leh senhri parte’n
Min hnem ang Dy ngaia thâm hnu.

Zoawi lelte a lo kiu anga mi û,
Di ngai val ka riang tawh lo vang!

Chul tur mahin ka vul ngai lo Didi,
                            Chutah vul  turin ka la pâr ve ang
A kiang ngei ang, zan tlai Dy ngaia lunglen.
Lei kum vuiliamin hnah thar ka la ni ve ang a


Sirva kal khamtu chu an sawi phunchawng par,
Kham thei ila a khi sàng pârah
Di ngaih puan ang ka bang ang kumtluangin!

Posted by at

13 comments:

  1. Hmelthatea DavidSunday, July 10, 2011

    Hetiang ang thu leh hla; ril leh chhiar nuam hi kei zawng ka thiam zawng leh ka theih ve loh thil a nie, a tha lutuk. lo ziak zel teh khai

    ReplyDelete
  2. Hmelthatea DavidSunday, July 10, 2011

    Chuan ka hriatthiam chiah loh chu, Didi tih hi, engtia lam tur nge niang? a awmzia pawh ka hre lo, mih hrilh theih chuan ka lawm viau ang. Dy leh Di hi i hmang kawpa , hei pawh ka hre lo..

    ReplyDelete
  3. dolerichSunday, July 10, 2011

    Hmelthatea: I va tilawmawm thin ve. Ka blog hi hei ka thiam ang tawkin ka han siam ve a, a theme hi a dang hman te ka duh rum rum mai..hehe mahse a hma ai kha chuan nalh tawh tak a ni!

    'Didi' tih hi mihring hming Lalrohlua tih hi 'Rohlu' tiin ko ta ila, chu nen chuan a inang. Cool deuh raihin! A awmzia chu tu emaw ka va address a nih ber hi maw! Chuan, 'Dy' leh 'Di' hi chu thuhmun, mi pakhat 'Dy-i' tia koh thin ka nei a, chu ta tang chuan Dy hi chu a lo kal! Mizo hla hluia 'Siali' an tih thin te nen khan thuhmun. A literature lam zawng chuan, i hriat ngai a ni emaw, 'metaphor' a ni awm e.

    ReplyDelete
  4. AnonymousSunday, July 10, 2011

    I blog chu hmuh a nuam kher mai. A hma aiin a size a të ta bawk a, mobile phone user tan chuan thil lawmawm tak a ni. Tin, a theme hi a var hian mit a tihah duh khawp mai. Phone atanga lut thin tan phei chuan a screen a të si a, a power or êng hian mit a rawn kâp lêt vak thin a. Tunah chuan a hahdam dap dap tawh e. I blog ka comment ni teh se! I model hman ka hre rîn rân...haha.

    ReplyDelete
  5. AnonymousSunday, July 10, 2011

    This comment has been removed by the author.

    ReplyDelete
  6. AnonymousSunday, July 10, 2011

    This comment has been removed by the author.

    ReplyDelete
  7. caribouSunday, July 10, 2011

    I blog chu a hmel hmul a nuam ta kher mai. Hetiang a nih dawn te chuan ka blog hi ka han tibo ve zuai dawn emaw ni le....ha ha ha.. Tak taka, a ngai chiah i hmulet leh thei chu a lawmawm khawp mai. Tichuan, TSA comment khi....tumaw i model hman chu? Hriat ve a va chakawm deuh ve.

    "Lawhlei par" tih hi a awmzia ka hre lo tawh thin a, tunah pawh ka la hrethiam ta chuang lo. "Lawhleng par" a niang, ka ti ngawt a, lawhleng par pawh chu enge ka hre chuang si lo. A remchan lai hian min han hrilhfiah ta che.

    Kham thei ila a khi sang parah tih lai tak hi a va fuh tak em. Di-i kallai khama Di ngaih puan ang i ban hun tur chu 'ha tat hriam' chungin ka lo nghak reng e..I blog chu a hmel hmul a nuam ta kher mai. Hetiang a nih dawn te chuan ka blog hi ka han tibo ve zuai dawn emaw ni le....ha ha ha.. Tak taka, a ngai chiah i hmulet leh thei chu a lawmawm khawp mai. Tichuan, TSA comment khi....tumaw i model hman chu? Hriat ve a va chakawm deuh ve.

    "Lawhlei par" tih hi a awmzia ka hre lo tawh thin a, tunah pawh ka la hrethiam ta chuang lo. "Lawhleng par" a niang, ka ti ngawt a, lawhleng par pawh chu enge ka hre chuang si lo. A remchan lai hian min han hrilhfiah ta che.

    Kham thei ila a khi sang parah tih lai tak hi a va fuh tak em. Di-i kallai khama Di ngaih puan ang i ban hun tur chu 'ha tat hriam' chungin ka lo nghak reng e..

    ReplyDelete
  8. Krista RoluahpuiaMonday, July 11, 2011

    I blog chu a ni vawk mai lawm..tha lutuk.

    I hlahril phuah chu a that reuh hi. Zir chiam atan a awhawm hi mawle. TSa te nen lo ching let ula a ngaihnawm ang.

    Congrats for new blog...:)

    ReplyDelete
  9. dolerichMonday, July 11, 2011

    Ts: Mit a kham duh tih mai loh chu a rawn chhuak nalh ve ta deuh a nih hi ka blog chu...thianpa hmelthatea zar a ni e!

    caribou: K'u caribou, lawhlei par chu nauban chi khat ania, a par pawn lam var, a chhung eng si hi ania, chuan lawhleng par pawh hi nauban chi khat tho ania vanda an tih ang chi hi a ni e.

    Blog chu han ti ve la, mahse thianpa hmelthatea blog-ah minute tin deuh thaw va luh a ngai..hehe Min rawn tlawh thin a, ka lawm lutuk e.

    Krista Roluahpuia: Nia, blog thar han neih hi a nuam ve ta phianin ka hria...hei aia tha hian a la siam theih ka ring..mahse hun a duh ve reuh riau! Min rawn tlawh a, a lawmawm thin e.

    ReplyDelete
  10. H.VangchhiaMonday, July 11, 2011

    Chemte, Di ngai chham ang a zalna runah ngei hian, di ngaih puan va ban rawh khai.

    Ti ve ngawt teh ang hairehai :D

    ReplyDelete
  11. dolerichMonday, July 11, 2011

    E khai, k'u henry chu va thlawh nalh leh si veee...superlike e.

    ReplyDelete
  12. Zirtei MangpaSunday, October 16, 2011

    comments nen ka chhiar chhuak ve..a va nuam reuh ve..ti daih teh ang. Sawi tur ka hre ve lo

    ReplyDelete
  13. UnknownMonday, March 02, 2020

    "Di" hi mipa nge hmeichhe kohna aw

    ReplyDelete

Subscribe to: Post Comments (Atom)